Verdeveras Expresións Artísticas é a ferramenta de produción teatral de María Angeles Iglesias, actriz, dramaturga e creadora escénica. Adoita traballar como actriz para diversas compañías e é aquí onde desenvolve os seus propios proxectos artísticos.
“Arte para axudarnos a ver”, como dicía Galeano; con todos os sentidos, agrega.
Desde o 2011 Verdeveras Expresións Artísticas propón un Teatro comprometido coa actualidade,que permita reflexionar, e moitas veces rir, do que nos acontece. Un teatro do miúdo, do íntimo, do esencial. Un teatro con visión de xénero que ten o foco no traballo actoral arroupado por música e movemento. Un teatro para poñer corpo a iso que necesita ser visto, oído, gritado e escoitado.
Lonxe dos productos en serie e dos tempos rápidos, Verdeveras Expresións Artísticas busca realizar pezas únicas, case artesanais, que impacten positivamente na contorna confiando en que a experiencia da arte fainos mellores persoas, tamén como espectadores.
As formas do amor é unha coprodución co Centro Dramático Galego (CDG). Achega unha reflexión sobre este sentimento vital e pon no centro a discusión sobre a maternidade/paternidade. En xira desde outubro do 2024 conta con Sergio Zearreta e María Angeles Iglesias en escena dirixidos por Gena Baamonde. O equipo artístico complétase con Octavio Más, deseñador de iluminación, e Tato López creador da música orixinal e o deseño sonoro VER AQUÍ O VÍDEO PROMOCIONAL (Podes atopar máis información na páxina correspondente)
 | |
| "Un lugar chamado mundo" | |
Entre as súas producións tamén atopamos as pezas infantís Un lugar chamado mundo (xunto a Tato López) e Escritas decorazón. Todas, no seu momento, de xira por Galicia.
Podes atopar máis detalles de cada unha das pezas nas lapelas correspondentes, aínda que neste momento só estamos de xira con As formas do amor.
CONTACTO:
verdeverasea@gmail.com
671 872 453
