QUÉN SOMOS?

Somos María Angeles Iglesias (actriz-dramaturga) e Tato López (músico). O ano 2011 atopounos en Santiago de Compostela con moitas ganas de traballar e decidimos dar forma a VERDEVERAS EXPRESIÓNS ARTÍSTICAS
Cremos na arte como ferramenta para ver (como dicía Galeano) con todos os sentidos (agregamos nós) e por iso embarcámonos xuntos no oficio de crear Teatro tendendo a man a outras linguaxes artísticas como a música e a danza. 


Tacóns na corda (2011) foi nosa primeira peza, daquela Desalmad@s (2104) e Un lugar chamado mundo (dec. 2016), o infantil musical en distintos formatos co que ahora percorremos Galicia. 
A continuación atoparás información dos nosos traballos, pero podes ter máis detalles de cada un na lapela correspondente. 
Por favor, non dubides en contactarnos:
verdeverasea@gmail.com
671 872 453

"Tacóns Na Corda” foi seleccionada dende o comezo pola Rede Cultural da Deputación de A Coruña e polos Cim´s. É recoñecido por abordar con humor cuestións de xénero, reflexionar sobre estereotipos e prexuízos, e combinar música con teatro.
Para a realización de "Desalmad@s", contamos co apoio e a colaboración de figuras recoñecidas dentro do teatro galego como Carlos Neira (dirección), Xus Raíndo (movemento). A estrea desta obra no Salón Teatro de Santiago de Compostela, supón un recoñecemento ao traballo e un estímulo para seguir creando. 
En decembro do 2016 estreamos "Un lugar chamado mundo" (Facebook) obra de teatro infantil musical que recupera a regueifa como parte do patrimonio tradicional galego, traballa sobre o xénero, a multiculturalidade, as diversas visións do mundo e o coidado do medioambiente. Con este mesmo fío condutor, ofrecemos un conto musical/concerto didáctico adaptable a distintos espazos e idades.







No hay comentarios:

Publicar un comentario